- Publikationen ca: 2
- Gefolgt von 1 Nutzern
- Fragen & Antworten
Seiler-Hugova, Ueli
Ueli Seiler-Hugova, 1942 z Chlydietu gebore. Ufgwachse unger äm Sigriswilergrat. Läbt bis hütt im Schlössli Ins – aus Ching, de aus Lehrer, Heimleiter, Presidänt vo dr Stiftig Seiler, Mitglied vom Europäische Forum für Freiheit i dr Erziehig (EFFE), Gaschtprofässer z Riga, Mentor u Vortragende i de tschechische Waldorfschuele. Verfasser vo Sachbüecher über Farbe, Stärne, Parzival, Peschtalozzi u Steiner. Vatter vo sibe Ching us zwo Familie. Verhüratet mit dr Kamila.
Läbenslabyrinth
Du fingsch i myne Tägschte viu Biografisches über mys Läbe. Über ds Paris im Achtesächzgi, myni Mondchnüpple, über mi aus «Steppewouf». Über dr töifscht Punkt i mym Läbe. De brichten ig vo Reise. I ds Katharerland. Nach Kiew. Mit äm Velo nach Marseille.
Us äm Nüt cha mängisch o Aues cho
Aphorisme sy so öppis zwüsche Prosa u Poesie. Mi weiss nie gnau, zu weler Site sie gö go nächbärle. Äs sy so Gedankesprüng. Die springe de mängisch desume wie jungi Fülli. U mängisch sy sie träg wie ne Chue, wo äm Bode liegt u wiederhout das chöuet, was sie gfrässe het.