Dat Tietreisenhuus

Plattdeutsch mit Aussprachehilfe: De Tweeschens Henriette un Hannes Tempus treckt mit süm Öllern ut de Grōōtstadt Berlin in Voder sien Öllernhuus no Weimar. De Kinner hebbt för den Umtog gor ni veel över. Man dat Huus, wō süm nu intrecken dōōt, is je bȫȫs mysteriȫȫs. Al an’ ēērsten Dag warrt de Tweeschens in’ Keller wat wies, wat Eventüren versprickt. Süm finnt en Tietmaschien. Voder mutt nu je ruut mit de Sprook un vertellt sien Lüüd vun dat ōle Famieln-Gehēēmnis. Dorophen geiht de Famieln op en Tietreis in dat Johr 1965. Tō dē Tiet is Düütschland in Ōōst un West opdēēlt. Famieln Tempus beleevt den snookschen Alldag in de frȫhere DDR. Man opletzt koomt süm all noch in gröttste Gefohr un dat gellt, afsluuts dat Gehēēmnis vun de Famieln Tempus tō wohren!

No süm eerste Tietreis in dat Johr 1965 buddelt Henry en mysteriöös Foto ut, mit ehrn Voder op. Se stövert in de Doogböker vun de Tempus. Ehr Voder schient ni de to ween, as de he sik utgifft. Mit ehrn Tweeschenbroder Hannes finnt se opletzt ruut, wokeen ehr Voder würkli is. Dorophen geiht de Famieln Tempus op dat twete Tietreisen-Eventüür dool, nu in dat Johr 1905. De Famieln beleevt den Alldag in disse Tiet un Henry un Hannes stellt fast, datt sik in hunnert Johr doch en Barg ännert hett. Henry befrünnt sik mit Elisa, en Deern ut dat Johr 1905. Elisa vertellt Henry vun ehr trurig Famieln-Schicksol. Dorophen much Henry de Elisa natüürli hölpen, man wosück? Bringt Henry dormit de Famieln Tempus in Gefohr? Un warrt dat Famielngeheemnis vun de Tempus wiederhen wohrt?